Duke filluar nga 1 janari 2025, autoritetet shtërore janë të detyruara të pranojnë Certifikatat Ndërkombëtare të Sigurimeve Motorike (IMIC), të njohura gjithashtu si ‘Karton Jeshil’, në format fizik ose në formatin elektronik, PDF.
Sistemi i “Kartonit Jeshil” lehtëson lëvizjen e lirë të trafikut rrugor ndërkufitar duke hequr barrierat në 48 vende të ndryshme në Evropë dhe Afrikën e Veriut.
Vlerësohet se deri në 500 milionë automjete rrugore janë të pajisura me këtë liri në të gjithë zonën e Kartonit Jeshil.
Këshilli i Byrove (COB) është organizata ndërkombëtare përgjegjëse për “Kartonin Jeshil”, e përbërë nga 60 organizata anëtare.
Shtetet anëtare të Sistemit ku vlen “Kartoni Jeshil”:
Belgjikë, Zvicër, Republika Çeke, Danimarkë, Francë, Finlandë, Mbretëri e Bashkuar, Greqi, Irlandë, Luksemburg, Norvegji, Holandë, Suedi, Sllovaki, Gjermani, Itali, Spanjë, Hungari, Portugali, Serbi, Austri, Poloni, Turqi, Rumani, Izrael, Marok, Tunizi, Islandë, Bullgari, Maltë, Estoni, Kroaci, Slloveni, Maqedoni e Veriut, Bosnje Hercegovina, Andorra, Qipro, Moldavi, Ukrainë, Letoni, Bjellorusi, Lituani, Rusi, Mali i Zi, Azerbajxhan.
Përse duhet të pajisemi me “Karton Jeshil” kur udhëtojmë jashtë Shqipërisë?
– Pajisja me “Karton Jeshil” është i detyrueshëm për çdo mjet që udhëton jashtë Republikës së Shqipërisë (përjashtuar Kosovën).
– Mospajisja e siguracionit “Karton Jeshil” ka penalitete ligjore në varësi të vendit ku udhëtoni.
– Mungesa e “Kartonit Jeshil” është edhe shkak ligjor për refuzim të udhetimit nga policia vendase.
– Risku më i madh janë demet që mund ti shkaktohen palëve të treta nga drejtuesi i mjetit.
Në pjesën më të madhe të shteteve nuk ka kufi ligjor për vlerën e dëmshpërblimit, por drejtuesi i mjetit duhet të paguajë vlerën e plotë të dëmit që ai shkakton, që mund të arrijë në miliona euro.
Kohëzgjatja e “Kartonit Jeshil” mund të jetë 15 ditë, 1 muaj, 3 muaj, 6 muaj ose 1 vit, në varësi të ditëve të qëndrimit tuaj jashtë Shqipërisë.
Mos udhëtoni kurrë pa patur më parë siguracionin “Karton Jeshil” me vete pasi një dëm i vogël mund të ketë kosto aq të madhe sa të mos përballohet edhe gjatë gjithë jetës suaj…
BLI ONLINE Siguracionin “Karton Jeshil” në pak minuta KËTU
