Tërmeti i fuqishëm që goditi Turqinë dhe Sirinë një ditë më parë është tema kryesore e televizionve në mbarë botën, përfshirë edhe Shqipërinë.
Edhe emisioni i njohur “Opinion” në TV Klan i dedikoi puntatën e së hënës pikërisht kësaj ngjarjeje tragjike.
Mes shumë të dhënave që u diskutuan, një nga faktet e habitshme që u tha lidhur me tërmetet në Turqi është se populli turk është i edukuar dhe i trajnuar për të përballuar situata të tilla.
Sezer Arslan, parukieri i njohur turk tha se në shtëpinë e secilit qytetar turk ka një çantë tërmeti me disa sende të nevojshme.
Pjesë nga biseda në studio:
Sezer Arslan: Çanta, gjërat më të rëndësishme që ka brenda është bilbili…
Blendi Fevziu: Bilbil? Që nëse ti mbetesh nën rrënoja, të kesh mundësi për t’i rënë bilbilit dhe të identifkohesh.
Sezer Arslan: Bilbili dhe diçka tjetër, që të dyja janë si më të rëndësishme, drita.
Blendi Fevziu: Ju keni një çantë me bilbil, me dritë.
Sezer Arslan: Drita dhe duhet të ketë bateri.
Ermal Kaleci: Sapo hyra në faqen e Emergjencave Civile dhe duhet të ketë ushqime me kalori të lartë, vitamina për karbohidrate që përmbajnë ujë për humbjen e ujërave, fruta të thata, bilbil dhe elektrik dore.
Deri tani, të paktën 5,034 persona kanë mbetur të vrarë dhe mbi 24 mijë të tjerë janë plagosur nga tërmeti me magnitudë 7.8 që goditi Turqinë dhe Sirinë të hënën. Ndërsa mijëra janë ndërtesat e shkatërruara.
Shqetësuese paraqitet situata në veriperëndim të Sirisë, ku më shumë se 4 milion banorë mbeten në shpresë të ndihmave humanitare.
Në Turqi numri i viktimave ka shkuar në 3,432 dhe më shumë se 21,103 të plagosur. 5775 ndërtesa në Turqi janë shkatërruar si pasojë e lëkundjeve të fuqishme sizmike.
Ndërsa në Siri tërmeti ka shkaktuar 1,602 të vdekur dhe 3,649 të plagosur.
LEXO EDHE: Tërmeti në Turqi/ Studiuesi italian: Toka ka lëvizur me 3 metra në zonat e prekura
