Kompania e Sigurimeve SIGAL e njohur për angazhimin e saj të vazhdueshëm ndaj vlerave artistike e kulturore, këtë fundvit mbështet çeljen e ekspozitës “Një rrugëtim mbi artin Hyjnor / Shpirtërorja bashkëkohore”, e cila zhvillohet në Galerinë e Artit në Tiranë, duke nisur nga sot në ora 17:00.
Mes simbolikash dhe shenjtorësh, mes ëngjëjsh dhe kerubinësh, mes hyjnores dhe tokësores… një ekspozitë-rrugëtim përmes botës ikonografike dhe historisë së artit shqiptar!
Ekspozita sjell 39 vepra ikonografike nga shek. XV deri në fillim të shek. XX, nga autorë të shquar si:
•Nikolla Onufri
•Kostandin Shpataraku
•Kostandin Jeromonaku
•Vëllezërit Zografi
•Nilu Jeromonaku
SIGAL, MBI 25 VJET PRANE ARTIT DHE KULTURËS
Përgjegjësia sociale, promovimi i vlerave kulturore të vendit, të njerëzve të shquar të artit, mbështetja për ata që kanë bërë histori etj kanë qenë pjesë e historisë mbi 25 vjeçare të SIGAL.
Pikërisht në kuadër të Përgjegjësisë Sociale ndaj Komunitetit dhe nën moton “jetojmë më mirë së bashku”, SIGAL, në vitin 2009 ngriti Klubin e Artit dhe Kulturës.
Në këtë klub janë zhvilluar dhjetëra aktivitete kulturore ndër të cilat ekspozita pikture, mbrëmje muzikore, portrete artistësh, promovime librash dhe seminare me tematika të ndryshme.
Duke besuar se arti lumturon njerëzit duke shtuar shpresën tek ta, prej vitit 2013, pjesë e Klubit të Artit është Orkestra e Harqeve “SIGAL”, e përbërë nga 15 instrumentistë profesionistë dhe një dirigjent.
Orkestra u ngrit nën idenë e themeluesit dhe drejtuesit të kompanisë, z. Avni Ponari ndërsa prej vitit 2013 ka dhënë me qindra koncerte në thuajse të gjitha qytetet e Shqipërisë, Vlorë, Elbasan, Durrës, Pogradec, Butrint, Shkodër, Lezhë, Valbonë etj, në Kosovë, rajon etj.
LEXO EDHE: Top News: SIGAL UNIQA, lidere e sigurimeve në Shqipëri edhe për 9-mujorin 2024
