Drejtoria e Përgjithshme e Shërbimeve të Transportit Rrugor ka informuar qytetarët mbi mënyrën si bëhet aplikimi për rezervimin online të një orari për Kolaudimin.
Përmes një postimi në facebook, DPSHTRR sqaron se rezervimi bëhet përmes seksionin “Makina ime” në e-Albania dhe në këtë mënyrë shmanget qëndrimi i ndenjes në radhë të gjata për të bërë të mundur Kolaudimin e mjetit.
Postimi i plotë i DPSHTRR
Rezervimi i orarit të Kolaudimit të mjetit rrugor kryhet direkt online, për të gjitha Qendrat e Kontrollit Teknik pranë drejtorive rajonale të DPSHTRR!
Risia është se ky sistem i ri rezervimi ofrohet me autentifikim në llogarinë e secilit tek seksioni “Makina ime” në e-Albania, duke eliminuar spekullimet dhe sekserët që abuzonin dikur me radhën!
Mirëadministrojmë linjat, personelin, kohën e çmuar për të gjithë, normalizojmë rrjedhën e shërbimit duke shmangur flukset artificiale “nisem pa plan, kur më teket, vonohem radhëve”!
Njihuni me kujdes me informacionin dhe përshkrimin e aplikimit
Hyni përmes faqeve: www.e-albania.al www.dpshtrr.gov.al
