Në drejtimin strategjik të gjigantëve të sigurimit dhe risigurimit karriera e Xhon Nilit i ka të gjitha që mund të dojë të ketë një drejtues teknik i gjigantëve të sigurimit: ish-CEO në Lloyd, ish-drejtues në AON, president i ardhshëm në AIG.
Përmbledhje lajmi:
John Neal, ish-CEO i Lloyd’s of London, është emëruar President i American International Group (AIG), me efekt nga 1 dhjetori.
Ai do të drejtojë biznesin e sigurimeve të përgjithshme në Amerikën e Veriut dhe ndërkombëtarisht, si dhe sigurimet personale në nivel global.
Neal-i do të raportojë direkt te CEO-ja i AIG, Peter Zaffino, dhe do të jetë pjesë e ekipit drejtues ekzekutiv të kompanisë.
Kjo lëvizje vjen vetëm pak kohë pasi Neal ishte emëruar CEO i risigurimeve në Aon.
Në AON ai nuk arriti të fillojë detyrën.
Për këtë vendimmarrje të Neal-it, AON nuk ka shprehur pakënaqësi edhe pse përbën ndryshim të papritur.
CEO-ja i saj Greg Case-i i uroi sukses Neal-it dhe deklaroi se pret të bashkëpunojë me të në të ardhmen.
Vetë Neal-i u shpreh se ndihet i nderuar për këtë rol dhe pret të punojë ngushtë me ekipin e AIG.
AIG sqaroi se emërimi i Neal nuk do të ndikojë në rolet aktuale të Don Bailey dhe Jon Hancock, që mbeten drejtues të njësive përkatëse të sigurimeve komerciale në Amerikën e Veriut dhe ndërkombëtare.
Nga ana tjetër, Aon njoftoi disa emërime të reja në divizionin e risigurimeve, të cilat sipas kompanisë nuk lidhen me largimin e Neal.
Në nivelet e ndryshimeve në radhët e drejtuesve të gjigantëve të sigurimit dhe risigurimit, kjo e Neal-it përbën vërtetë një lajm.
