Industria e sigurimeve ka përcaktuar prioritetet e saj për një Bashkim Evropian më të begatë, më elastik dhe konkurrues.
Ajo u bën thirrje politikëbërësve të BE-së të reduktojnë boshllëqet e mbrojtjes, të vazhdojnë të trajtojnë ndryshimet klimatike, të rrisin investimet private etj.
Në manifestin e saj – #InsuranceMatters – botuar sot (11 korrik), Insurance Europe bën rekomandime që do t’i mundësonin industrisë së sigurimeve të thellojë kontributin e saj në arritjen e këtyre qëllimeve.
Prioriteti 1
Adresimi i boshllëqeve të mbrojtjes, reduktimi i boshllëqeve të klimës, pensioneve, shëndetësisë dhe mbrojtjes kibernetike janë jetike për të siguruar qëndrueshmëri dhe prosperitet për qytetarët dhe bizneset në Evropë.
Prioriteti 2
Ndryshimet klimatike: zbutja dhe përshtatja. Fokusi i vazhdueshëm në tranzicion me veprime konkrete për përshtatjen klimatike dhe forcimin e elasticitetit.
Prioriteti 3
Rritja e investimeve private në BE: Rritja e investimeve me pakicë, duke përfshirë kursimet e sigurimit dhe produktet e pensionit, si dhe diversikimi i burimeve të financimit për bizneset.
Prioriteti 4
Qasje e re për rregulloren e BE-së që lejon, jo mbyt, inovacionin, konkurrencën globale dhe dixhitalizimin.
Për të arritur këto qëllime, industria e sigurimeve rendit disa rekomandime:
– Rritja e ndërgjegjësimit për rreziqet dhe nevojën për sigurime, kursime dhe investime;
– Përshpejtimi i masave të përshtatjes klimatike në të gjitha nivelet – për shembull,
– Sigurimi i kontrolleve të forta dhe të detyrueshme të përdorimit të tokës dhe kodeve të ndërtimit;
– Bëerja më e lehtë për konsumatorët që të investojnë në produktet e pensioneve dhe të kursimeve dhe për siguruesit të investojnë në bizneset e BE-së;
– Hapja e “Qendrës të Ekspertizës së Sigurimeve” në Komisionin Evropian për të siguruar që politikëbërja mbështet dhe nuk rrezikon disponueshmërinë dhe përballueshmërinë e sigurimit;
– Përmbushja e angazhimeve të Komisionit Evropian për të reduktuar barrën e raportimit me 25% dhe për të siguruar që rregullimi i ri të jetë efikas, efektiv dhe i shtuar vetëm kur është vërtet e nevojshme.
Drejtoresha e Përgjithshme, Michaela Koller, shprehet: “Industria evropiane e sigurimeve ofron mbrojtje për njerëzit dhe bizneset dhe është një investitor i madh në ekonomi. Sektori është i përkushtuar për të adresuar disa nga sfidat e kohës sonë, nga ndryshimet klimatike te shëndeti e tek plakja e popullsisë.
Duke punuar së bashku me udhëheqësit dhe politikëbërësit e rinj të BE-së, ne jemi të vendosur të sigurojmë që rregullat dhe rregulloret janë të përshtatshme për qëllimin, në mënyrë që industria jonë të mund të kontribuojë edhe më shumë. Një industri e lulëzuar sigurimesh ka rëndësi për Evropën, për njerëzit, për konkurrencën, për rritjen dhe për të ardhmen tonë”.
