Insurance Europe publikoi sot një raport studimor mbi perceptimin që kanë të rinjtë për sektorin e sigurimeve në Evropë.
Studimi përfshiu intervistimin e 651 të rinjve nga 33 vende të ndryshme evropiane, përfshirë edhe Shqipërinë.
Të rinjtë ishin të moshave 18-34 vjeç.
Qëllimi studimor ishte të kuptohej se si sigurimet mund të bëhen më tërheqëse për këtë grupmoshë.
Disa nga gjetjet kryesore të studimit janë si më poshtë:
-
Siguria është prioritet për të rinjtë, ata e vlerësojnë rëndësinë e një skeme sigurimi dhe çmimin e përballueshëm të policës.
-
Të rinjtë kërkojnë procedura të thjeshta, ata kërkojnë produkte të thjeshta dhe më “miqësore për konsumatorin”.
-
80% e të rinjve mendojnë se sistemi i edukimit financiar ka nevojë për përmirësim.
-
Shtatë nga dhjetë të rinj besojnë se është më mirë të investosh shuma të vogla në sigurime sesa të mos përfshihesh fare.
-
Pensionet private të rinjtë i vlerësojnë si skema, por shumica ende nuk kanë ndërmarrë hapa konkretë në këtë drejtim.
-
Diversiteti i nevojave të të rinjve, ata kanë pritshmëri dhe mënyra komunikimi të ndryshme, ndaj kërkohet qasje më e personalizuar.
-
Parandalimi i riskut është një funksion tjetër që të rinjtë e kanë si pritshmëri nga siguruesit.
-
Sektori i sigurimeve nuk perceptohet si ndër më tërheqësit për të rinjtë që kërkojnë mundësi pune apo karriere
Ky studim i Insurance Europe ofron një pasqyrë të qartë mbi qëndrimet dhe pritshmëritë e brezit të ri ndaj sektorit të sigurimeve.
Gjetjet theksojnë nevojën për reforma në komunikim, edukim financiar, dhe dizajnin e produkteve, me qëllim që sigurimet të bëhen më të afërta, më të kuptueshme dhe më tërheqëse për të rinjtë evropianë.
Në një treg që po ndryshon me shpejtësi, dëgjimi i zërit të të rinjve është thelbësor për ndërtimin e një sektori sigurimesh gjithëpërfshirës dhe të qëndrueshëm në të ardhmen.
