Kompania International Holding Co. (IHC), kompania më e madhe e listuar në Abu Dhabi po krijon një sipërmarrje të re të rinsigurimit me vlerë 1 miliard dollarë.
Kjo sipërmarrje do të vijë në bashkëpunim me kompaninë BlackRock Inc.
Kompania është e drejtuar nga një anëtar kyç i familjes mbretërore të Emiratit.
Kompania e re, e cila ende nuk ka një emër zyrtar, do të nisë me më shumë se 1 miliard dollarë angazhim fillestar në kapital.
Sipërmarrja e re synon të menaxhojë 10 miliardë dollarë detyrime, falë partneriteteve me BlackRock dhe menaxherin e aseteve me bazë në Abu Dhabi, Lunate.
Kjo konfirmohet edhe nëpërmjet një deklarate zyrtare.
Selia e kompanisë do të jetë në zonën e lirë ekonomike të Abu Dhabit (ADGM).
Ajo do të drejtohet nga Sultan Al Xhaberi, ministër i Emirateve të Bashkuara Arabe për industrinë dhe teknologjinë e avancuar.
Drejtimin ekzekutiv të kompanisë do ta marrë Mark Uilsoni, ish-drejtues i kompanive Aviva Plc dhe AIA Group Ltd.
“BlackRock-u” do të bëjë një investim fillestar minoritar dhe do ta mbështesë sipërmarrjen me menaxhim të aseteve të sigurimeve, shërbime këshillimi dhe teknologji.
“Lunate” do të jetë një partner tjetër, duke sjellë përvojën e saj në tregjet publike dhe private.
Kompania e re do të përdorë inteligjencën artificiale (AI) si pjesë themelore të strategjisë, për të përmirësuar procesin e vlerësimit të rreziqeve, duke rritur cilësinë dhe shpejtësinë e analizës së tyre.
