Mbi 550 pjesëmarrës, 120 juridiksione të ndryshme, dialog global mbi stabilitetin financiar dhe mbikëqyrjen e sigurimeve.
Dita e parë e Konferencës Vjetore të IAIS në Tiranë nisi me fjalën e mirëseardhjes dhe panelin hapës të udhëhequr nga drejtuesit e Komitetit Ekzekutiv të IAIS, përfshirë Kryetarin e sapozgjedhur, Toshiyuki Miyoshi.
Në fjalën e tij, z. Miyoshi theksoi:
“Ky është një moment vendimtar për sektorin global të sigurimeve… po dëshmojmë një ndërthurje sfidash të ndërlidhura, ritmi dhe kompleksiteti të lartë. Por jemi mirë të përgatitur, falë ekspertizës dhe përkushtimit të Shoqatës, për t’i identifikuar, monitoruar dhe përballuar këto sfida.”
Diskutimet u përqendruan në çështjet kyçe për mbikëqyrjen globale të sigurimeve:
● zbatimin e Insurance Capital Standard (ICS)
● monitorimin e riskut përmes Global Monitoring Exercise (GME)
● gjetjet e Global Insurance Market Report (GIMAR)
● qeverisjen e re të IAIS dhe rritjen e aksesueshmërisë së publikimeve për mbikëqyrësit
● ndikimin e AI në sigurime dhe çështjet e mbrojtjes së konsumatorit
● rëndësinë e bashkëpunimit ndërkombëtar dhe shkëmbimit të përvojave ndërmjet rregullatorëve
Paneli i dytë vuri në qendër sfidat e rregullatorëve në një mjedis global gjithnjë e më kompleks, zhvillimin e tregjeve vendase të kapitalit, rolin e sigurimeve në rritjen e reziliencës dhe balancimin e përfitimeve të teknologjisë me mbrojtjen e të dhënave.
Siç theksoi Petra Hielkema, Zëvendëskryetare e IAIS dhe Kryetare e EIOPA:
“Ne i përcaktojmë prioritetet tona përmes analizës rigoroze, angazhimit të duhur në kohë me aktorë të ndryshëm dhe shkëmbimit të rregullt të përvojave mes anëtarëve.”
Tirana nëpërmjet këtij aktiviteti sot është në qendër të hartës globale të sigurimeve.
