Rasti i kompanisë kineze Waterdrop Inc., me titull “Waterdrop: AI-Powered Insurance and Healthcare”, është përfshirë në koleksionin prestigjioz të Harvard Business School, si një shembull global i inovacionit përmes teknologjisë.
Hartuar nga profesor Li Qi i Universitetit të Hong Kongut (Shenzhen), rasti analizon se si Waterdrop ka përdorur inteligjencën artificiale për të ndërtuar një ekosistem gjithëpërfshirës sigurimesh dhe shëndetësie, duke arritur një balancë të qëndrueshme mes vlerës sociale dhe asaj tregtare.
Suksesi i saj shihet si një “zgjidhje kineze” e aplikueshme në mbarë botën.
Me strategjinë “All in AI”, Waterdrop po përshpejton integrimin e AI-së në të gjitha hallkat e biznesit, nga shitjet, menaxhimi i klientëve, te analizat dhe kontrolli i cilësisë.
Vetëm në platformën e saj të mbledhjes së fondeve për nevoja mjekësore, mbi 3.4 milionë pacientë janë ndihmuar nga 475 milionë kontribues.
Një agjent virtual i kompanisë, “Waterdrop Guardian AI”, është në gjendje të përballojë autonomisht konsultimet për produkte sigurimesh me një efikasitet që tejkalon punonjësit njerëzorë.
Përfshirja në koleksionin e Harvardit vjen si një vlerësim i rolit transformues të AI-së në modelet e reja të kujdesit shëndetësor dhe sigurimeve.
Me mbi 100 patenta teknologjike dhe një investim prej 300 milionë juanë në R&D çdo vit, Waterdrop po kthehet në një model referimi global për transformimin dixhital të sektorëve jetikë.
