Grupi i njohur i sigurimeve “Allianz” ka zgjedhur futbollistin anglez të Bayern Munchen, Harry Kane si brand ambasador global për markën e saj.
“Allianz” dhe Kane do të punojnë së bashku në aktivitetet e marketingut global për të frymëzuar brezin e ardhshëm.
Kane është një aktivist i njohur sa i përket shëndetit mendor duke hapur në vitin 2022 Fondacionin Harry Kane (HKF) me qëllimin afatgjatë për të ndryshuar kulturën rreth kësaj problematike që po njeh rritje vit pas viti.
“Allianz është një markë globale dhe unë jam jashtëzakonisht krenar që jam ambasadori i saj. Përkushtimi i tyre për përsosmëri përputhet në mënyrë të përkryer me përkushtimin tim dhe mezi pres të shoh se çfarë mund të arrijmë së bashku”, tha Harry Kane.
Kane është pjesë e Bayern Munchen, stadiumi i të cilit mban emrin “Allianz Arena”.
