Europa është e bekuar me një vijë bregdetare të bukur dhe të gjatë – por destinacionet e saj të njohura të plazhit, po i dorëzohen mbipopullimit nga turistët.
Nëse nuk dëshironi të luftoni për vendin tuaj në rërë – ose të turpëroheni nga vendasit e ngopur – pse të mos eksploroni disa destinacione më pak të njohura të plazhit këtë verë?
Në vazhdim renditen disa nga destinacionet më të mira të Europës.
Bregu i Detit të Zi të Bullgarisë
Vija bregdetare e Detit të Zi të Bullgarisë është e mbushur me bukuri natyrore.
Rreth 35 minuta me makinë nga plazhi i njohur Sunny, Irakli ruan një natyrë të egër.
Aeroporti i Burgasit, qendra e dytë më e madhe e fluturimeve në Bullgari, është rreth një orë me makinë nga Irakli.
Poreč, Kroaci
Me rrugë me kalldrëm dhe çati terrakote, qyteti i lashtë i Poreçit është i zhytur në histori.
Poreč është një makinë 40-minuta nga Aeroporti i Pulës, ku janë të disponueshëm autobusë për në qendër të qytetit. Është gjithashtu pak më shumë se një orë me makinë nga Trieste, Itali.
Montpellier, Francë
Pak jashtë Montpellier-it ndodhet një nga plazhet më të bukura të Francës. Plage de l’Espiguette në Grau du Roi, ofron një shtrirje të gjatë dhe të egër rëre.
I klasifikuar si një vend i madh i Francës për peizazhin e tij emblematik, plazhi është i mbrojtur nga zhvillimi. Fari i tij i mrekullueshëm katror, është një nga strukturat e vetme në horizont.
Gadishulli Mani në Greqi
Vendet arkeologjike dhe limanet e kaltra shtrihen në Gadishullin Mani në Greqinë jugore.
Nëse preferoni të eksploroni vijën bregdetare, drejtohuni në Kardamyli, ku shtigjet e ecjes ju çojnë në pamje mahnitëse të oqeanit.
Vetëm disa minuta poshtë bregut, Plazhi Foneas është i përqafuar nga shkëmbinjtë shkëmborë dhe i shpërndarë me guralecë të bardhë piktoreskë.
Vitalitetin vullkanik në ishujt Eolian të Italisë
Vetëm në veri të Siçilisë, ishujt shkëmborë Aeolian dalin nga Deti Tirren.
Ishulli Vulcano mund të mos njihet për rërën e bardhë – por plazhet e tij të zeza vullkanike nuk janë më pak mahnitëse.
Donegal, Irlandë
Irlanda mund të mos jetë vendi i parë, që ju vjen në mendje kur jeni duke menduar për një pushim në plazh, por Ishulli Emerald vlen për t’u përmendur.
Gjiri i izoluar Kinnagoe në Donegal është në veri të vendit, por mos prisni temperatura të ngrohta dhe diell.
Delta e mrekullueshme e Danubit në Rumani
Zona moçalore më e madhe e Europës, është një parajsë për adhuruesit e jetës së egër. Mund të shihni pelikanë, çafka dhe shqiponja me bisht të bardhë.
Kur nuk jeni duke eksploruar kanalet e largëta të deltës dhe liqenet e mëdha, plazhet me rërë të bardhë ju presin në Sulina dhe Sfântu Gheorghe.
Hebridet e jashtme të Skocisë
Jashtë bregut veriperëndimor të Skocisë, Ishulli Hebridean i Jashtëm i Harris, është shtëpia e disa prej plazheve më spektakolare të Mbretërisë së Bashkuar.
Fshati i vogël bujqësor bregdetar i Seilebost është aq piktoresk sa duket. Vizitojeni në fund të pranverës ose verës, për të parë pamje spektakolare të gjirit me rërë të bardhë të Luskentyre.
Hijeshia veneciane e Izolës, Slloveni
Izola, në pjesën e vogël të bregdetit të Adriatikut të Sllovenisë, dikur ishte një ishull nën sundimin venecian.
Porti i vogël i peshkimit ka një shpërndarje të plazheve me guralecë dhe rërë, që mund të arrihen nga një shteg ecjeje nga bregdeti. /Euronews
LEXO EDHE: “Shëndet në Udhëtim”/ Raporti i AMF: Kompania e sigurimit që kryeson tregun
Riviera Shqiptare
Shqipëria nuk ka lënë ende gjurmën e saj në shtegun kryesor turistik të Europës. Kjo është një arsye më shumë për ta vizituar.
E shtrirë përgjatë deteve Adriatik dhe Jon, vija bregdetare 450 km e vendit, është e mbushur me rërë të artë dhe pyje me pisha.
Për plazhet më të mira, drejtohuni në Rivierën Shqiptare, e cila shtrihet nga Vlora në Ksamil.
Edhe pse larg nga të qenit i pazbuluar, Dhërmiu është një nga plazhet më të gjata dhe më të njohura të Shqipërisë.
Vazhdoni rrugën tuaj më në jug, drejt Ksamilit, ku do të shpërbleheni me ujëra kristal dhe tre ishuj të vegjël, që mund të arrihen edhe me not.
Aktualisht, Aeroporti Ndërkombëtar i Tiranës – dy orë me makinë nga Vlora – është porta kryesore për në Shqipëri. Ju gjithashtu mund të merrni një traget nga Korfuzi në Greqi, për në qytetin e Sarandës.
Vlora do të ketë aeroportin e saj në vitin 2024 – megjithëse është një çështje plot polemika.
LEXO EDHE: Udhëto i qetë jashtë Shqipërisë/ Të gjitha në një vend: Karton Jeshil + Teleshëndet + AutoSos
