Një javë më parë Sistemi Europian i Informacionit për Zjarret në Pyje, EFFI, bëri njoftoi se në Shqipëri nga data 1 janar 2024 deri më 15 gusht, janë djegur gjithsej 29 143 hektarë me pyje.
Po sipas këtij burimi, vetëm gjatë javës së fundit, në Shqipëri janë djegur nga zjarret 2 390 hektarë pyje.
Pikërisht nisur nga këto shifra dramatike të dëmeve në ekosistemin shqiptare, eksperti i Mjedisit Abdulla Diku në një intervistë në “Ora News” u shpreh se shifrat kanë ndryshuar.
“Sapo i shkarkova sot rë dhënat e përditësuara dhe rezulton se në Shqipëri janë djegur rreth 37 mijë hektarë dhe gjysma e tyre janë pyje, dhe gjysma tjetër janë kullota, vreshta etj.
Ndërkohë që kemi mbjellur vetëm 10 hektarë, përtej propagandës. Pra, kemi një bilanc që vetëm për t’u rekuperuar kërkohen dekada të mbyllet vetëm për këtë vit.
Pasi që nga viti 2007 kur kjo agjenci jep të dhëna nga Shqipëria, rezulton se në Shqipëri janë djegur 450 mijë hektarë, që është rreth 40 % e sipërfaqes së pyjeve të vendit”, theksoi Diku.
LEXO EDHE: Nuk parandalojmë dot fatkeqësitë natyrore por rikuperojmë pasuritë!
Shqipëria rënditet mes vendeve më të rrezikuara nga fatkeqësitë natyrore në Europë.
Sipas një raporti të FMN, vendi ynë humbjet mbi 198 milionë dollarë në vit, 16.5 milionë në muaj apo rreth 550 mijë dollarë në ditë, kryesisht në formë zjarresh, përmbytjesh e tërmetesh.
Ndërkohë, gati 5 mijë shqiptarë dëmtohen ekonomikisht nga fatkeqësitë natyre çdo vit.
