Rasti i një të riu në Vlorë, që për t’i shpëtuar ndjekjes policore, shkaktoi dëme materiale dhe shëndetësore te punonjësit e policisë dhe te të tretë, ngre një pyetje shumë interesante nga perspektiva e siguruesve:
A mbulohen, apo përjashtohen nga mbulimi i siguracionit dëmet ndaj të tretëve që shkakton një drejtues mjeti ndaj të tretëve?
Nga rasti nuk njohim shumë detaje, por i diskutuar rasti vetëm në parim, sepse që të dalim te një përgjigje përfundimtare na duhen shumë të dhëna të tjera të cilat nuk i njohim, mund të thuhet se përgjigjja është pozitive.
Të tretët e dëmtuar nga një mjet që po i ikën ndjekjes policore, përfiton mbulim nga polica TPL e mjetit.
Kjo situatë nuk bën pjesë te përjashtimet e policës siguruese.
Kompania siguruese ruan të drejtën t’i drejtohet me padi regresi shkaktarit, por palët e treta, edhe pse aksidenti mund të ketë ardhur si pasojë e ikjes nga ndjekja policore, përfitojnë dëmshpërblim.
