Është gjetur pas 9 orësh kërkime trupi i pajetë i shoferit 21-vjeçar, Fabjol Ibraliu, i cili pësoi aksident mbrëmjen e djeshme në aksin rrugor Lushnje-Rrogozhinë.
Trupi është gjetur disa metra larg makinës brenda bimësisë së dendur në oborrin e një banese në fshatin Konjat të Lushnjes.
Ka qenë djali 12-vjeçar i banesës, ku përfundoi makina, që pa diçka që shkëlqente dhe dalloi trupin të mbuluar nga bimësia e dendur.
I riu po drejtonte një automjet tip “Ford”, teksa pasi u përplas me barrierat anësore të rrugës dhe disa makina të parkuara përfundoi brenda oborrit të një banese.
Referuar informacioneve paraprake, dyshohet se shpejtësia tej normave të lejuara ka qenë shkaku i aksidentit.
