Banka Botërore ka publikuar manualin për zhvillimin e një ekonomie të qëndrueshme dhe të gjelbër në Shqipëri.
Ndër të tjera, Banka Botërore i kërkon qeverisë të bëjë të detyrueshme sigurimin e banesave nga tërmetet, taksimin e të vetëpunësuarëve dhe diversifikimin e sektorit energjetik në vend.
Ky është programi i parë i BB-së për Shqipërinë në këtë drejtim që vjen me një fond 120 milionë $.
Të gjitha pikat që sugjerojnë ekspertët e Bankës Botërore parashikohet të sjellin rritje të vendeve të punës, përmirësim të kapitalit njerëzor dhe përballueshmëri më të madhe të ndërtesave ndaj katastrofave natyrore, së bashku me disa tema të tjera ndërsektoriale të qeverisjes dhe transformimit digjital.
BB i sugjeron qeverisë së Shqipërisë dhe Bankës Qendrore që ta fokusojnë programin e zhvillimit në tre shtylla kryesore.
E para, forcimi i qëndrueshmërisë së sektorit qeveritar dhe familjar, forcimin e mobilizimit të të ardhurave, duke përfshirë rritjen e numrit të të vetëpunësuarve që paguajnë taksa, monitorimin dhe zbutjen e rrezikut fiskal të fatkeqësive dhe rritja e efektivitetit të ndihmës për individët me aftësi e kufizuar.
Në këtë pikë, Banka kërkon miratimin e një ligji që do të bëjë të detyrueshëm Sigurimin e Pronës rezidenciale, pra banesave.
“Ritmi i ngadaltë i konvergjencës vjen nga një normë e ulët e rritjes ekonomike dhe cilësia e dobët e kësaj rritjeje; teksa fatkeqësitë e shpeshta natyrore shkaktojnë pengesa shtesë. Rritja e PBB-së së Shqipërisë ka qenë mesatarisht 2.6% në vit gjatë 2010-19 ndërkohë që ekonomia krijoi vende pune kryesisht të pakualifikuara ose me kualifikim të ulët.
Rritja e PBB-së. Së fundmi, frekuenca e lartë dhe në rritje e fatkeqësive natyrore vjen me një kosto që bazohet në privatësinë e pakët dhe burimet publike. FMN vlerëson se Shqipëria përjeton mesatarisht 0.8 fatkeqësi natyrore në vit, me mesatare dhe kostot mesatare prej 0.6% të PBB-së dhe 1.3 % të PBB-së përkatësisht për ndodhi”, thuhet ndër të tjera në manualin e Bankës Botërore.
E dyta, forcimi i tregut energjetik dhe diversifikimin me burime të tjera të rinovueshme dhe përfundimin e projektit të Bursës. Aty thuhet që të gjithë aplikimet në prokurimet publike duhet të përmbushin zotimin e eficiencës energjetike.
E treta, mbrojtja e mjedisit që përforcon qëndrueshmërinë mjedisore dhe një ekonomi më të gjelbër, ku ndotja nga qeset plastike është shumë e lartë. Shqipëria do të prezantojë një ligj për Përgjegjësinë e Zgjeruar të Prodhuesit (EPR) që të inkurajojë tranzicionin drejt një ekonomie më qarkulluese. Eventualisht Shqipëria do të vendosë dhe taksën e karbonit dhe qymyrit.
