Në Shqipëri, pas aksidenteve rrugore, shpesh shfaqen avokatë ose ndërmjetës që ofrojnë ndihmë për të marrë dëmshpërblimin nga sigurimi.
Në shumë raste, ata marrin 30% deri 50% të shumës që u takon viktimave. Kjo ndodh kur personat e dëmtuar janë në vështirësi emocionale dhe financiare.
Në realitet, rreth 95% e dëmshpërblimeve paguhen direkt nga kompanitë e sigurimit, pa pasur nevojë për gjyq. Shumica e qytetarëve mund të marrin paratë duke ndjekur procedurat administrative pranë sigurimit.
Vlerat e dëmshpërblimit përcaktohen nga rregulloret dhe praktika gjyqësore. Edhe në gjykatë, gjyqtari i zbatojnë këto rregulla.
Ndërmjetësit i gjejnë viktimat menjëherë pas aksidentit dhe u kërkojnë të nënshkruajnë prokura. Kjo mund të zgjatë procesin dhe të ulë shumën që marrin qytetarët.
Qytetarët duhet të dinë se mund të kërkojnë dëmshpërblimin direkt tek kompania e sigurimit. Mjafton të paraqesin dokumentacionin e nevojshëm, përfshirë raportet mjekësore dhe dokumentet e aksidentit.
Kjo rrugë është më e shpejtë, më e sigurt dhe shmang humbjen e një pjese të dëmshpërblimit tek ndërmjetësit.
