Aon-i, gjiganti global i risigurimit, publikoi sot raportin e fundit, Aon Global Catastrophe Recap.
Sipas raportit, humbjet ekonomike nga katastrofat natyrore arritën të paktën 83 miliardë dollarë amerikanë në tremujorin e parë të vitit 2025.
Humbjet e siguruara kaluan shifrën 53 miliardë dollarë, me një hendek sigurimi global prej rreth 35%.
Ky total nuk është vetëm më i lartë se sa viti paraardhës.
Totali i humbjeve tejkaloi ndjeshëm edhe mesataren e tremujorit të parë për shekullin njëzetë e një.
61 miliardë dollarë ishte mesatarja e çerekshekullit.
Hendeku i sigurimit rezulton ndër më të ulëtit të regjistruar ndonjëherë.
Kjo dëshmon një mbulim të lartë të humbjeve nga politikat e sigurimit.
Ngjarjet në SHBA përbëjnë 95% të totalit të këtyre humbjeve.
Në mesin e ngjarjeve më të kushtueshme veçohen zjarret e mëdha në Kaliforni dhe stuhitë e forta të përsëritura.
Të paktën gjashtë ngjarje, të gjitha në SHBA, kanë kaluar kufirin e 1 miliard dollarëve në humbje të siguruara.
