Kompanitë e sigurimeve të mbështetura nga miliarderi Todd Boehly kanë humbur rreth një të tretën e vlerës së tyre në treg pasi u zbuluan lidhjet e forta me një partner të vetëm biznesi.
“Accelerant”, një kompani me bazë në Ishujt Kajman, njoftoi se shumica e primeve të saj të palëve të treta vinin nga Hadron, një sigurues i krijuar nga Altamont Capital.
Lajmi shkaktoi rënie të menjëhershme të çmimit të aksioneve të “Accelerant”.
“Accelerant” synon të zgjerohet në sektorin e sigurimeve speciale, që mbulon rreziqe nga dëmtimet e pronës deri tek sulmet kibernetike.
Megjithëse kompania ka më shumë se 95 partnerë kapitali, investitorët duket se nënvlerësuan varësinë nga Hadron, e cila përfaqësonte rreth 16% të primeve totale në tremujorin e dytë të 2025.
Kjo ka shkaktuar shqetësime mbi aftësinë e “Accelerant” për të ndërtuar partneritete të pavarura.
“Hadron” dhe “Accelerant” punojnë në një segment të shpejtë rritjeje të tregut të sigurimeve, duke u fokusuar te agjentët e përgjithshëm të menaxhimit.
Zbulimi se “Hadron” përbënte rreth 60% të primeve të palëve të treta theksoi rreziqet e varësisë nga një sigurues i vetëm dhe shqetësimet e investitorëve mbi strukturat e ndërlikuara të pronësisë në këtë sektor në zhvillim.
