Një aksident ka ndodhur mbrëmjen e djeshme në rrugën nacionale Divjakë, te vendi i quajtur ‘Pushimi i shoferit’.
Burime për mediat bëjnë me dije se një kamion Benz me targa të huaja me drejtues shtetasin Nikolle Gjeçin ka perfunduar në kanalin përgjatë rrugës pasi është përplasur me mjetin tip Fiat me drejtues shtetasin Marjo Bilbili.
Nga aksidenti ka pasur dëme të konsiderueshme materiale, ndërkohë fatmirësisht drejtuesit e mjeit kanë marrë lëndime të lehta dhe janë jashtë rrezikut për jetën.
Mjeti tip Fiat ka hyrë në rrugën nacionale duke ardhur nga rruga dytësore Spolatë – Gradisht dhe kamioni e ka përplasur.
Sipas shoferit të tij, kamioni po udhëtonte me shpejtësi dhe nuk e ka parë teksa hynte në rrugën nacionale.
