Një aksident raportohet të ketë ndodhur mëngjesin e sotëm në Vlorë, ku një mjet tip Benz është përplasur me një motor.
Për pasojë drejtuesi i motorrit është dërguar për ndihmë mjekësore, ndërsa drejtuesja e mjetit është shoqëruar për në komisariat.
“Sot, rreth orës 07:40, në vendin e quajtur “Albano Romina”, Vlorë, një automjet tip “Benz” me drejtuese shtetasen K. B, është përplasur me një motomjet me drejtues shtetasin A. M, ku si pasojë është dëmtuar drejtuesi i motomjetit, i cili ndodhet në spital, nën kujdesin e mjekëve,” njoftoi policia.
Në vendngjarje ndodhet grupi hetimor, i cili po kryen veprimet në lidhje me sqarimin e plotë të rrethanave të aksidentit.
