Policia e Lushnjës ka ndaluar 3 të mitur, pasi kanë vjedhur një automjet në lagjen “Gafurr Muço”.
Ata janë shtetasit A. C., 16 vjeç, G. D., 17 vjeç dhe I. Xh., 15 vjeç.
Sipas policisë, këta persona, në bashkëpunim me njëri-tjetrin, në lagjen “Gafurr Muço”, Lushnjë, kanë vjedhur automjetin tip “Mercedes Benz” në pronësi të shtetasit B. O.
Duke drejtuar automjetin e vjedhur, shtetasi A. C. ka humbur kontrollin dhe ka dalë nga rruga.
Tre të miturit kanë braktisur automjetin dhe janë larguar nga vendngjarja, por më pas janë lokalizuar dhe janë kapur nga Policia.
