Katër skiatorë kanë humbur jetën brenda vetëm tre ditëve pas rrëshqitjeve të borës në Alpet Franceze.
Policia konfirmoi se dy skiatorë vdiqën të hënën, më 9 shkurt, pas rrëshqitjeve të borës në dy zona të vargmalit francez.
Të hënën, një burrë 38-vjeçar u vra duke skijuar jashtë pistave në Saint-Agnes, pranë Grenoble, pak para orës 16:00 sipas orës lokale.
Një burrë tjetër në të tridhjetat humbi jetën po të njëjtën ditë nga një “rrëshqitje shumë e madhe e borës” duke skijuar jashtë pistave pranë fshatit Montgenèvre, që kufizohet me Italinë. Aty ishte gjithashtu me një tjetër skiatore grua, që nuk u lëndua, raporton Local Fr.
Vdekjet e së hënës vijnë pas dy personash që humbën jetën duke skijuar në një zonë të pa-shënuar pranë fshatit Saint-Veran, rreth 77 km larg Montgenèvre, të shtunën, sipas raportit.
Bora e madhe në Alpe konsiderohet shkaku i disa rrëshqitjeve të borës gjatë ditëve të fundit. Të paktën 66 persona kanë vdekur nga rrëshqitjet e borës gjatë sezonit aktual të skive në Europë, raporton The Independent, duke cituar Shërbimet Evropiane të Paralajmërimit për Rrëshqitjet e Borës.
