Një dokument përmbledhës zyrtar i IDF (Forumit për Zhvillimin e Sigurimeve) bën thirrje për veprim gjithëpërfshirës, të koordinuar dhe shumëpalësh nga aktorët e sektorit publik dhe privat për të rritur sigurueshmërinë me qëllim mbylljen e boshllëqeve të mbrojtjes.
Çdo vit, më shumë se 180 miliardë USD humbje nga katastrofat natyrore mbeten të pasiguruara.
Nisur nga ky fakt, një Dokument i ri, i përpunuar nga Insurance Development Forum (IDF), bën thirrje për veprim mbi më shumë se 50 rekomandime për të forcuar qëndrueshmërinë dhe për të reduktuar boshllëqet e mbrojtjes.
Dokumenti i ri kritik, Increasing Insurability to Close Protection Gaps, përshkruan sfidat dhe paraqet një agjendë gjithëpërfshirëse për të adresuar një nga sfidat më urgjente të botës: hendekun gjithnjë e më të gjerë mes humbjeve të siguruara dhe të pasiguruara nga katastrofat natyrore. Kjo hapësirë quhet boshllëk mbrojtës.
Çdo vit, më shumë se 180 miliardë USD humbje nga fatkeqësitë natyrore mbeten të pasiguruara, ku tregjet në zhvillim dhe ekonomitë në zhvillim (EMDEs) mbajnë peshën më të madhe të ndikimit ekonomik dhe zhvillimor.
Në shumë prej këtyre vendeve, depërtimi i sigurimeve mbetet rreth 3%, duke i lënë qeveritë, kompanitë dhe qytetarët të ekspozuar në mënyrë të rrezikshme.
I zhvilluar nga Grupi i Punës për Ligjin, Rregullimin dhe Politikat e Qëndrueshmërisë i IDF-së, dokumenti synon të ndihmojë në kuptimin e pengesave për sigurueshmërinë dhe çfarë kërkohet që një rrezik të jetë i sigurueshëm.
Dokumenti rekomandues bën thirrje për veprim urgjent dhe të koordinuar në të gjithë qeveritë, rregullatorët, siguruesit dhe partnerët e zhvillimit për të rritur sigurueshmërinë dhe për të përshpejtuar ndërtimin e qëndrueshmërisë.
Raporti gjithashtu ofron një plan të qartë me më shumë se 50 rekomandime të zbatueshme për aktorë të shumtë, për të bërë të sigurueshme rreziqe dikur të konsideruara “të pasigurueshme” dhe për të rritur qëndrueshmërinë kombëtare.
Rekomandimet kryesore të dokumentit
-
Investimi në reduktimin e rrezikut për të rritur përballueshmërinë
-
Promovimi i të dhënave të hapura për rreziqet
-
Forcimi i partneritetit publik-privat
-
Sigurueshmëria si objektiv privat, por edhe politik dhe rregullator
-
Rritja e njohurive për rrezikun dhe sigurimet
-
Përshtatja e produkteve të reja sipas nevojave lokale
-
Adresimi i barrierave të sjelljes njerëzore ndaj zbutjes së rrezikut dhe blerjes së mbrojtjes së sigurimit.
Dokumenti i plotë 36-faqësh në anglisht gjendet këtu
