Një banesë private është përfshirë nga flakët mëngjesin e sotëm, rreth orës 08:30, në zonën e Qytetit Studenti.
Sipas informacioneve paraprake, në momentin e zjarrit në banesë ndodheshin tre banorë, dy prej të cilëve të mitur.
Fatmirësisht, të tre kanë arritur të dalin në kohë dhe ndodhen jashtë rrezikut për jetën. Ata janë transportuar në spital për kontrolle mjekësore, ndërsa nuk raportohet të kenë pësuar dëmtime nga flakët apo tymi.
Si pasojë e zjarrit, banesa është shkrumbuar plotësisht dhe është bërë e pabanueshme. Shkaqet e ngjarjes nuk janë konfirmuar ende, por paraprakisht dyshohet se zjarri mund të jetë shkaktuar nga një defekt ose shkëndijë elektrike. Autoritetet vijojnë hetimet për të zbardhur rrethanat.
Sigurime.Online i uron familjes shërim të plotë dhe rikuperim sa më të shpejtë. Pa paragjykuar shkaqet e ngjarjes dhe duke u bazuar vetëm në informacionet e publikuara deri tani, ky rast shërben si një kujtesë për rëndësinë e sigurimit të banesës.
Kur një pronë pëson dëmtime të rënda ose shkatërrohet nga zjarri, pasoja më e madhe shpesh nuk është vetëm humbja emocionale, por edhe kostoja e lartë financiare për rindërtimin ose rikthimin e saj në gjendjen e mëparshme.
Një policë sigurimi për banesën mund të ofrojë mbrojtje financiare ndaj dëmeve materiale të shkaktuara nga zjarri dhe, sipas kushteve të kontratës së sigurimit, mund të mbulojë dëmtimin ose shkatërrimin e ndërtesës dhe të pasurisë së luajtshme, si edhe në raste të caktuara shpenzime për minimizimin e dëmit apo pastrimin e mbetjeve pas ngjarjes. Mbulimet konkrete varen gjithmonë nga kushtet e policës së sigurimit.
Në atë zonë të Tiranës një banesë me një shumë mbulimi deri në 15 milionë lekë mund të sigurohet për vetëm 7500 lekë në vit dhe në rast se zjarri e shkrumbon plotësisht banesën, pasi verifikohen kushtet e policës dhe rasti konkret, siguruesi dëmshpërblen të dëmtuarin, sipas kontratës, me 13.5 milionë lekë.
Sipas raportit zyrtar të Autoritetit të Mbikëqyrjes Financiare për gjashtëmujorin e parë të vitit 2026, SIGAL mbetet kompania që paguan pjesën më të madhe të dëmeve në tregun e sigurimeve të jojetës. Vetëm në sigurimin e pronës, kompania ka paguar 144.7 milionë lekë dëmshpërblime, mbi 35% të totalit të dëmeve të paguara nga tetë kompanitë e tregut, duke shënuar një rritje prej 28.22% krahasuar me të njëjtën periudhë të një viti më parë.
