15 gola u regjistruan në 5 ndeshjet e javës së pestë të kampionatit shqiptar me SIGAL.
Java ngriti siparin në Shkodër, ku në stadiumin “Loro Boriçi” Teuta arriti një fitore të rëndësishme jashtë fushe me Vllazninë vendase, 0-2.
Ndeshja u luajt nga pozitat e vendit të parë me të fundit në renditje dhe edhe pas mbarimit të lojës pozitat mbetën të njëjtat: Teuta ruajti kreun kurse Vllaznia e Shkodrës radhitet e fundit. Mesoma Umejego shënoi dy herë për durrsakët.
Egnatia dhe Dinamo konfirmohen si ndjekëse, e para duke mbyllur javën me një fitore me Partizanin dhe e dyta duke u konfirmuar pas një fitoreje 3-1 me Laçin.
Vora-Skënderbeu (1-1) dhe Tirana-Elbasani (2-2) u ndanë në barazim.
Renditja pas javës së pestë, ku secila skuadër i ka luajtur të pesë ndeshjet e plota është kjo:
- Teuta, 13 pikë
- Egnatia, 12 pikë
- Dinamo, 12 pikë
- Laçi, 7 pikë
- Elbasani, 6 pikë
- Tirana, 5 pikë
- Partizani, 4 pikë
- Vora, 4 pikë
- Skënderbeu, 3 pikë
- Vllaznia, 2 pikë
SIGAL Inusrance Group është sponsor premium i kampionatit vendas të futbollit, si edhe sponsor i kombëtares kuqezi.
